Helgi Snær ráðinn forstöðumaður fóðurmiðstöðvar

March 30, 2021

Helgi Snær Ragnarsson hefur verið ráðinn forstöðumaður fóðurmiðstöðvar Arctic Fish á Vestfjörðum. Fóðurmiðstöðin er ný eining hjá félaginu en frá stjórnstöðinni sem staðsett er á Þingeyri verður allri fóðrun félagsins á Vestfjörðum stýrt.

Helgi Snær hefur verið hjá Arctic Fish í rúm 4 ár og starfað í sjóeldisdeild félagsins í Dýrafirði. Helgi er kvæntur Láru Ósk Pétursdóttur og eiga þau þrjú börn, Andreu Líf, Katrínu Júlíu og Aron Auðunn.

Nú tekur við uppbyggingarstarf í þessari nýju deild en gert er ráð fyrir að á næstu dögum verði gengið frá ráðningu fleiri starfsmanna til viðbótar í deildina sem verða staðsettir á Þingeyri. Fyrir eru starfsmenn í fóðurstöðinni í Tálknafirði sem heyrir einnig undir stjórnstöðina. Helgi heyrir beint undir forstjóra félagsins, Stein Ove Tveiten.

 

Related Posts

Aukin afföll í Dýrafirði

Aukin afföll í Dýrafirði

Á síðustu dögum hefur orðið vart við aukin afföll á laxeldissvæðum  í Dýrafirði. Á þessum árstíma þegar að sjórinn er kaldur og...

Laxinn fer víða

Laxinn fer víða

Árið 2021 seldi Arctic Fish um 11.500 tonn af laxi. Mest af honum kom frá eldisstöðum okkar í Patreksfirði og Tálknafirði. Allur fiskur...