Helgi Snær ráðinn forstöðumaður fóðurmiðstöðvar

mars 30, 2021

Helgi Snær Ragnarsson hefur verið ráðinn forstöðumaður fóðurmiðstöðvar Arctic Fish á Vestfjörðum. Fóðurmiðstöðin er ný eining hjá félaginu en frá stjórnstöðinni sem staðsett er á Þingeyri verður allri fóðrun félagsins á Vestfjörðum stýrt.

Helgi Snær hefur verið hjá Arctic Fish í rúm 4 ár og starfað í sjóeldisdeild félagsins í Dýrafirði. Helgi er kvæntur Láru Ósk Pétursdóttur og eiga þau þrjú börn, Andreu Líf, Katrínu Júlíu og Aron Auðunn.

Nú tekur við uppbyggingarstarf í þessari nýju deild en gert er ráð fyrir að á næstu dögum verði gengið frá ráðningu fleiri starfsmanna til viðbótar í deildina sem verða staðsettir á Þingeyri. Fyrir eru starfsmenn í fóðurstöðinni í Tálknafirði sem heyrir einnig undir stjórnstöðina. Helgi heyrir beint undir forstjóra félagsins, Stein Ove Tveiten.

 

Related Posts

Kærumálum vísað frá

Kærumálum vísað frá

Tveimur kærumálum á hendur Arctic Sea Farm hf hefur verið vísað frá dómi á undanförnum dögum. Í báðum tilvikum var um að ræða kærur sem...